Ritos llatinos

Los ritos llitúrxicos llatinos usaos nes árees de la ilesia católica onde'l llatín foi'l llinguaxe dominante fueron mientres munchos sieglos non menos numberosos que los ritos llitúrxicos de les ilesies orientales católiques. Na actualidá'l so númberu ye muncho más amenorgáu. Darréu al Conceyu de Trento, en 1568 y 1570, el papa Pío V suprimió los breviario y misales que nun pudieron demostrar una antigüedá d'a lo menos dos sieglos. Munchos ritos locales que siguíen siendo llexítimos inclusive dempués d'esti decretu fueron voluntariamente abandonaos, especialmente nel sieglu XIX. La mayoría de les órdenes relixoses qu'entá calteníen un ritu propiu decidieron, na segunda metá del sieglu XX, adoptar el ritu romanu reformáu tal como se revisó acordies colos decretos del Conceyu Vaticanu II. Unos pocos ritos llitúrxicos llatinos persisten güei día pa la celebración de la misa en forma revisada dende 1965-1970, pero los ritos llitúrxicos específicos pa celebrar los demás sacramento fueron práuticamente abandonaos.